Billettar: JSU-medl. gratis, kr 150 for ikkje-medlemmar. Betaling i døra.
Per Buvik: Garborgs Trætte Mænd som ironisk tidsdokument
I 1891 gav Arne Garborg ut romanen Trætte Mænd, som er blitt ein av hans mest lesne og omdiskuterte. Romanen tek temperaturen på eit tidsskilje. Dei politiske kampåra på 1880-talet vart avløyste av ei meir individualistisk, distansert og dekadent tidsånd. I litteraturen veik naturalismen plass for nyromantikk. Garborgs utstrekte bruk av ironi har gitt opphav til svært ulike tolkingar av romanen. Buvik argumenterer i foredraget sitt for at hovudpersonen Gabriel Gram er oppriktig i sin religiøse lengsel og vilje til å endra livet sitt, og at Garborgs ironi ikkje underminerer alvoret i dei problema som romanen tek opp. Per Buvik er professor emeritus i litteraturvitskap ved Universitetet i Bergen. Han har særleg arbeidd med fransk litteratur og har vore engasjert i fransk-norsk kultursamarbeid. Buvik har også vore redaktør for tidsskriftet Norsklæraren og redaksjonssekretær i tidsskriftet Edda.
Foredraget er ein del av programmet for Garborgdagar 2022.
Arrangør: Jæren Senioruniversitet.
Foto: Bergen offentlige bibliotek
