Kvart år inviterer Garborgdagar forfattarar frå Rogaland til å lesa eigne tekstar for eit lyttande festivalpublikum på Mellombels øl og vinstove.
Frank Tønnesen er frå Sokndal, og mest kjend som artisten Tønes. Han debuterte som skjønnlitterær forfattar i 2018 med romanen “Vi kan ikke ta med oss alt dette hjem”. På Mellombels les Frank eit utval av tekstar frå spalta “Kunngjeringar”, som han har gleda Dag og Tid-lesarar med sidan våren 2023.
Tone Myklebust bur i Egersund og debuterte som forfattar for vaksne i 2020 med novellesamlinga “Det stoppar ikkje her.” “Rutine ved varsling” (2023) er hennar andre bok. Novellene hennar skildrar det skakke og skjøre i menneskelivet. Humoren ligg ofte på lur og kan pipla fram over alt.
"Heimante" er arrangert av Garborgdagar og Rogaland forfattarlag.
Programleiar er Ørjan Zazzera Johansen.
Kjøp billett