- Dette arrangementet er ferdig.
Festkveld: Fødde på Jæren
Ein jærsk festkveld i Storstova
Bursdagskvelden for Arne Garborgs 175-årsdag vert ei feiring av diktarens opphav: Jæren.
Programleiar Hilde Zahl spør: Kva er typisk jærsk, for språket og lynnet? Kva jærske uttrykk er dei beste? Kva er dei løgnaste orda? Korleis har jærsk og Jæren endra seg sidan Garborg levde?
I sofapanelet sit tidlegare redaktør Kjell Olav Stangeland, forfattar Kjell Arild Pollestad, leiar på Garborgsenteret, Inger Undheim og Åse Wetås, sandnesgauk og direktør i Språkrådet.
Hilde Zahl sin entusiasme og nysgjerrige stemme kjenner mange frå tida då ho arbeidde i NRK radio, blant anna som programleiar for Språksnakk. I tillegg til drøs om jærsk, får me opplesingar ved Pollestad og Stangeland, og musikalske innslag ved Klepp mannskor og Jarle Obrestad.